Shab-e-siyah meiN sitaray talash karta hai
Woh shakhs jhootay saharay talash karta hai
ban gayaa khud woh raushni apni
Jo noor-e-haq kay shararay talash karta hai
Bahut azeez hai aazadi-e-samandar bhi
Ye dil magar phir kinaaray talash karta hai
bin kahay baat jis say pahunchay unhay
Woh kuch aisay ishaaray talaash karta hai
Aa kay ham dil jaloN ki basti meiN
Chara-gar dil kay maaray talash karta hai
Chashm-e-jaaN hi nahi rahi jismeiN
Be-wajah kyooN nazaaray talash karta hai
Subscribe to:
Post Comments (Atom)
Posts
No comments:
Post a Comment